ویستم ئیتر نەنووسم و وەك ئەم ئاسمانە بێ دەنگە‌ ، بە نیگایەك یان گریانێك خەمی خۆم دەڕبڕم  ،   نەنووسم و لە مەیخانەی ئەم جیهانه پڕ ئازارە دانیشم و  پەیك لە دوای پەیك  زامەكان و خەمەكان بنۆشم  و كاتێك  سەرخۆشی سەرخۆشبووم سەیری ئاسمانێك كەم كە وا دیارە  ئەویش چاوی بڕیوەتە من !!

بەڵام هەرچێكم كرد و هەرچی دەكەم باشتر تێ دەگەم كە من و ئاسمان هیچمان وەك یەك نییە
نە هۆی گریانمان ، نە دونیامان ،  تەنانەت ڕوانینیشمان بۆ یەك وەك یەك نیە !!


كەوای لێ هات بڕیاڕم دا  من بۆ دونیای خۆم بنووسم و ئەویش با هەر بەو نیگا ڵێڵ و بێ بەزەییانەیە دەستەو ئەژنۆ لە سەر تەختەكەی دابنیشێت و  سەیرم كات

 حەی حەی !!! سەیرم كات؟! جا بیتوانیایە سەیری من كات ڕۆژگاری ئاوای لێ دەهات؟
  ئەگەر ئەم دونیا پڕ لە بەرابەرییەی  بدیبایە‌ ئایا بۆ یەك چركەش  دەیتوانی فرمێسكەكانی ڕاگرێت و لە‌ فرمێسكەكانی لافاوێك دونیا نەگرێتە بەر؟ 

نە نامبینێت ، هێزی بینینمی نییە

  كە واتە ئەی پێنووسەكەم (ئەی كی بۆردەكەم!) بنووسە كە ئاسمان كوێرە و نامانبینێت!!