مان و نه‌مان یان نه‌مان و نه‌مان...

مان و هه‌ڵبژاردنی بێ‌ده‌نگیه‌کی کوشه‌نده‌ یان نه‌مان و مردن له‌ گه‌ڵ ده‌نگێک که‌ ته‌نیا خۆم  هێزی بیستنیم ده‌بێت ؟ ژیان له‌ ژێر ئاسمانێکی  ڕه‌ش یان هه‌ڵبژاردنی ئاسمانێکی شین که‌ هی من نیه‌!  ڕۆژگار و ساڵان له‌ به‌ر درگای یاسا مانه‌وه‌ و نه‌چوونه‌ ژوور یان چوونه‌ ژوور و دیتنی درگایه‌کی تر و پاسه‌وانێکی تر له‌و دیو درگا ؟ تێپه‌ڕ کردنی ئه‌م شه‌وه‌ که‌ وا دیاره‌ دووپات کراوه‌ی ته‌واوی شه‌وانی پێشووه‌ یان گۆڕانێک و دووباره‌ شه‌وێکی هیچ ؟ خه‌می سووتاندنی کچێکی نازدار و بێ‌نازی شاره‌که‌م یان کۆڵه‌ خه‌می ئاگر گرتنی کچانی وڵاته‌که‌م ؟ نۆشینی شه‌رابێکی تاڵ له‌ نێو دووکه‌ڵی جگه‌ره‌که‌یه‌ک یان هه‌ڵمژینی دووکه‌ڵی جگه‌ره‌یه‌کی پیس له‌ نێو سه‌رخۆشی ئه‌و شه‌رابه‌ تاڵه‌؟

 هه‌موویان گوون ...